Maam laantedigkie dorje? /Vad gör landstinget?

Stäng

Kontakt

Landstinget Dalarna

Box 712 791 29 Falun 023-49 00 00 landstinget.dalarna@ltdalarna.se

Laantedigkie Dalarnisnie tsavtshvierhkieh abpe leenesne åtna, noerhteste Eajreste jïh åarjese Krylbo gåajkoe. Mijjen åejviedïedte gaajhkesidie jallh mah guessine Dalarnisnie seamma healsoe- jïh skïemtjehåksoem jïh baeniehåksoem faalehtidh. Mijjen aaj dïedte geehtedh guktie kultuvre, daajroe- jïh byjreske Dalarnisnie evtede, nemhtie dam dajven evtiedimmiem dåarjobe goh kultuvrem, ööhpehtimmiem jïh kollektijvevalkesem.

"Viehkiedihks gïete"

Dajvesne mahte seamma stoere goh Belgien Laantedigkie Dalarnisnie tsavtshvierhkiem åtna. Mijjen tsavtshvierhkie abpe leenesne, noerhteste Eajreste jïh åarjese Krylbo gåajkoe. Mijjen dïedte gaajhkesh gïeh daesnie årroeh jallh guessine daesnie seamma healsoe- jïh skïemtjehåksoem åadtjoeh. Aelhkieslaakan maahta jiehtedh laantedigkien barkoe edtja viehkiedihks gïete årroejidie laantedigkiedajvesne årrodh evtemes healsoe- jïh skïemtjehåksosne.

Healsoe- jïh skïemtjehåksoe

Laantedigkien dïedte guktie bijjietjaalegisnie dovne årroejih healsose jïh dan håksose mejtie daarpesjieh gåessie jïh jis skeamtjoej.

Håksoedaarpoe stuerebe sjïdteminie. Årrojh båarasåbpoe sjidtieh gosse dotkeme jïh buerebe daajroe guktie starnedehtedh evtede. Jeenjebh skïemtjelassh mestie aerebe sealadi daelie maahta starnedehtedh saaht båarasåbpoe sjidtieh. Medicinske teknihkem daase åesiestidh aaj læssene.

Gosse daarpoem skïemtjehåksoste vaeniedidh laantedigkie aaj barka åvtelbodti hoksedh, jiehtebe almetjehealsoebarkoe.

Ræhpas håksoe – dïhte lïhkemes

Ræhpas håksosne vijrieslaakan barkebe. Dajvedåaktere sov håksoetjïertine skïemtjehåksoem goh ietniehåksoe, maanahealsoehåksoe, hïejmehåksoe jïh almetjidie åvtelbodti hoksedh. Skïemtjehåksoe daelie ræhpasabpa sjïdteminie, nemhtie dam sjïere juhtemh jïh håksoe mah jeenjem daarpesje gïllebe sijjine åtna. Ræhpas håksoe sneehpes jïh eadtjohkes håksoem faalehte jïh dejtie gïeh daarpesjieh sjïerehåksose bïhkede gosse jïjtsene vierhtieh ij nuekies.

Skïemtjegåetie vïjhte sijjine

Dah skïemtjegåetieh mah somatiske (bolle) håksoem faalehtieh vïjhte sijjine Dalarnisnie gååvnesieh: Avesta, Borlänge, Falun, Mora jïh Ludvika. Säteren skïemtjegåetesne psykiatriske skïemtjehåksoe.

Maanahealsoehåksoe

Maanahealsoehåksoe Sveerjesne lea joekoen. Ij leah barre dan åvteste namhtah dovne eatnan jïh maanese gossege 19 jaepien båeries. Aaj joekoen dan åvtese vijries jïh buerie. Healsoegïehtjedimmieh dam orre årrojem dåerede gossege studentine galhkeme jïh baeniehåksoe Almetjebaeniehåksoen tjïrrh namhtah gossege 20 jaepie illeme.

Laantedigkien Dalarnisnie aaj dïedte dajvem evtiedidh, dovne ööhpehtimmien, kultuvren jïh kollektijvevalkesen tjïrrh. Måedtielaakan dåarjobe jïh meatan libie leenem evtiedidh.

Almetjebaeniehåksoe

Gaajhkesh gïeh Dalarnisnie årroeh nuepiem buerie baeniehåksose. Dïhte laantedigkien dïedte. Dovne jïjtsene Almetjebaeniehåksose jïh privaate baeniehåksose.

Baeniehealsoe Dalarnisnie lea joekoen buerie dovne geerve almetjidie jïh maanide. Dan åvteste guhkiem jïh åvtelbodti baeniehåksojne barkeme.

Kultuvre

Laantedigkie dïhte stööremes mij beetnehvierhtiejgujmie leenen maehteles kultuvreinstitusjovnide dåarjohte, nemhtie dam stoere dïedtem åtna leenen tjïeltigujmie, sïebrejielieminie jïh kultuvrebarkijigujmie kultuvrem Dalarnisnie gorredidh jïh evtiedidh.

Dïhte dajven kultuvre edtja leenen årroji kultuvre daarpoem eadtjalgovvedh jïh meatan årrodh dajvem evtiedidh.

Laantedigkie dajven organisasjovnide dåårje, kultuvresjïelh jïh stipendh joekedieh jïh vuartesje guktie kåanstetjeahpoe jïh jeatjah kåanstevierhtieh vååjnesasse.

Ööhpehtimmie

Akte vihkeles tsavtshvierhkie laantedægkan lea ööhpehtimmie. Dïhte dovne jåarhkeskuvlem- jïh geervealmetje ööhpehtimmiem faerhmeste dovne miehtjieburrie maahtoem jïh musihkem

Laantedigkie aaj ööhpehtimmiem golme jïjtsene almetjejolleskuvline åtna jïh aaj leenen almetjejuhtemejolleskuvlide dåarjohte.