Bïevnesh skïemtjemïnnemen bïjre

Stäng

Kontakt

AB Dalatrafik

Trafikadministration, Sjukresor

Box 833 781 28 Borlänge 0243-625 90 sjukresor@dalatrafik.se

Beställningscentralen Dalarna (BC Dalarna) (gosse leahpah dongkedh)

0774-44 00 00

Landstinget Dalarna

Box 712 791 29 Falun 023-49 00 00 landstinget.dalarna@ltdalarna.se

AB Dalatrafik dïedtem Laantedigkeste Dalarnisnie åådtjeme, gyhtjelassh vaestiedidh mij njoelkedassh skïemtjemïnnemi bïjre, desnie ohtsemh raeriestieh jïh maaksoem nænnoestieh.

Sisvege:

Mij dïhte skïemtjemïnneme?
Mïnnemh mejtie ij maeksieh
Gïeh maaksoem åådtje?
Dov dïedte
Åålmeh kollektijve valkese
Skïemtjemïnneme jïjtsene bïjline
Skïemtjemïnneme sjïere kollektijvevalkesinie - taxine, skïemtjemïnnemebussine
Maaksoeh
Jïjtje maeksedh
Jollemaaksoeraajoe (högkostnadsskydd)
Ohtseme mïnnememaaksoste
Maaksoe mïnnememaaksose
Buerie daejredh – guhte dåeriedidh, remissem åadtjodh jïjtje veeljedh jnv.
Jis sïjhth vielie daejredh

Mij akte skïemtjemïnneme?

Mijjieh skïemtjemïnnemh maeksebe abpe leenesne laantedigkien håksoe ektievoetide jïh privaate håksojde giej laantendigkine latjkamamme. Sïejhmemes gosse dåakteren gåajkoe, baeniedåakteren jïh skïemtjevïtnesjæjjese. Maaksoem dov gåeteste (gusnie tjaalasovveme) jïh skïemtjegåatan jallh dan håksoejarngese åadtjoeh gusnie datne tjaalasovveme Dalarnan laantedigkien njoelkedassi mietie skïemtjemïnnemasse.

Mïnnemh mejtie ij maeksieh

Ih maaksoem åadtjoeh gosse håksoem Dalarnan Laantedigkien ålkolen veeljh remissen mietie gosse jïjtje veeljedh.

Ih gænnah maaksoem mïnnemen åvteste åadtjoeh:

  • Gosse healsoegoerehtæmman goh mammografije, gynekologisk healsoegïehtjedimmie, starnenænnoestimmie, trahpenassh vaeltedh (vaccinationer)
  • Ietnie jïh maanahåksoen gåajkoe mïnnedh
  • Starnehåksoem (voejedidh jallh skïemtjevïtnesjæmman)
  • Privaate optihkeren gåajkoe
  • Bietskiedæjjan gåajkoe (peruk jallh toupé pryövedh)

Gïeh maaksoem åadtjoeh?

Datne gie Dalarnan leenesne tjaalasovveme maaksoem dov skïemtjemïnnemen åvteste åadtjoeh dah njoelkedassi mietie mejtie raeriestamme.

Jis datne asyjlem ohtsedeminie dåårjeldh LMA-kåarhtine (laake guktie asyjleohtsijidie dåastoehtidh) maaksoem dov skïemtjemïnnemidie åadtjoeh.

Dov dïedte

Iktesth datne dïhte gïen dïedte håksose mïnnedh dan tïjjese maam åådtjeme. Jis ih leah tïjje maam åådtjeme busse- jallh ruevtieraajrose sjeahta, pryövh dellie orre tïjjem håksose åadtjodh.

Åålmeh kollektijvevalkese

Busse jallh ruevtieraajroe

Datne maaksoem åålmeh kollektijvevalkesinie åadtjoeh, bussine jïh ruevtieraajrojne. Gosse skïemtjegåatan jallh håksoejarngese mïnnh Dalatrafiki bussine ih daarpesjh jis leahpam vuesehth datnem dahkoe tjåårveme. Gosse gåatan dellie barre håksoeleahpam daarpesjh vuesiehtidh.

Jis ih sïjhth bussevoejijasse vuesiehtidh, jallh leahpa fååtese maahta busseleahpam maeksedh jïh dan mænngan busseleahpam jïh håksoeleahpam Dalatrafiken gåajkoe seedth, dellie gaajhkem maam datne maakseme bååstide åadtjoeh.

Jis mïnnh ruevtieraajrojne Tåg i Bergslagen maahta dam dov leahpam dongkedh sijjesne BC Dalarna. Jis veeljh ruevtieraajroen åvteste maeksedh dellie dam leahpam jïh håksoeleahpam Dalatrafiken gåajkoe seedth dellie gaajhkem maam datne maakseme bååstide åadtjoeh. Jis gellien aejkien håksose edtjh mïnnedh jïh guhkeben aejkien, dellie maahta boelhkekåarhtem BC Dalarnan luvhtie dongkedh gaajhkh mïnnemi åvteste. Dïhte dov dåaktere tjuara iktesth nænnoestidh man guhkiem datne håksoem daarpesjh.

Jis naan jeatjah bussesïelskine mïnnh goh Dalatrafik jallh SJ-ruevtieraajrojne edtjh voestes dam dov leahpam jïjtje maeksedh. Dan mænngan leahpide jïh håksoeleahpide seedtedh AB Dalatrafiken gåajkoe dellie beetnegidie bååstide åadtjoeh. Barre maaksoem åadtjoeh gosse mïnnh 2:klaassine.

Skïemtjemïnneme privaate bïjline

Jis leenen rastah skïemtjegåatan jeatjah leenese, barre maaksoem åålmeh kollektijvevalkesistie åadtjoeh, saaht tjoerh vuertedh jallh man guhkiem mïnnedh jïh man gåhkese lïhkemes busse- jallh ruevtieraajroestasjovnese. Stinkes ruevtieraajroe – jallh busseleahpa tjuara iktesth meatan seedtedh.

Gosse privaate bïjline dellie maaksoem kilomeeteren åvteste skïemtjemïnnemasse åadtjoeh, gaajhkh kilomeeteri åvteste mah bijjelen 55 aktem geajnoem, gåetien jïh håksoejarngen gaskem. Maaksoem privaate bïjline skïemtjemïnnemasse leenesne barre åadtjoeh jis kollektijvevalkese fååtese, gidtjh gåetien jïh lïhkemes tjöödtjestimmiesijjien gaskem edtja guhkebe goh golme kilomeeterh årrodh jïh bijjelen 20 kilomeeterh lïhkemes voenese gusnie busse- jallh ruevtieraajroestasjovne.

Datne tjoerh latjkedh håksose båetedh åålmeh kollektijvevalkesinie joe göökte tæjmoe åvtelen håksose soejkesjamme. Jis tjoerh bijjelen göökte tæjmoeh vuertedh gosse håksosne orreme gossege åålmeh kollektijvevalkese jåhta lïhkemes tjöödtjestimmiesijjeste, busse – jallh ruevtieraajroestasjovne gåatan maaksoem skïemtjemïnnemasse privaate bïjline maahta åadtjodh.

Jis guhkebe goh akte tæjmoe vaasa, aktem geajnoem mïnnedh, åålmeh kollektijvevalkesinie, gosse aaj lotneme, goh privaate bïjline vaasa (guktie geajnoem buerkiestamme vg. Eniro) dellie maaksoem åadtjoeh privaate bïjline vuejedh.

Gosse ih leah maahteme kollektijvevalkesem dåeriedidh dannasinie ih dellie/iktesth maehtieh eensilaakan svihtjedh dellie maaksoem åadtjoeh privaate bïjline vuejedh jis ohtsemasse håksoe-ektievoeteste nænnoestieh.

Gosse kollektijvevalkesem dåeredh IJ LEAH mïnnemetïjje mij vaasa ryöknesåvva gosse lïhkemes tjöödtjestimmie sæjjan mïnnedh mij åenebe goh golme kilomeeterh gåeteste. Ij gænnah dïhte mïnneme dutnjan lïhkemes busse- jallh ruevtieraajroestasjovnese, mij åenebe goh 20 kilomeeterh gåeteste meatan dennie kollektijve mïnnemetïjjesne.

Ih naan maaksoem åadtjoeh jis maaksah gosse bïjlem tjöödtjesth, maaksoe gosse stoere valkese jïh jeatjah maaksoeh

Ij naan maaksoe skïemtjemïnnemasse privaate bïjline jeatjah sjïekenassen mietie åadtjoeh goh daagkoe bijjelen beavneme.

Ohtseme maaksoen åvteste mïnnemasse åeniehkåbpoe goh 55 kilomeeterh, ij raeresth jïh ij bååstide lutnesth.

Skïemtjemïnneme sjïere kollektijvevalkesinie

Skïemtjemïnneme taxine/sjïerevoejeminie

Skïemtjemïnneme taxine lea voestes ieresne dejtie giejtie eah maehtieh eensilaakan svihtjedh jallh jeatjah medicinske fåantoej mietie eah maehtieh åålmeh kollektijvevalkesinie mïnnedh. Gosse taxine/sjïerevoejeminie daarpesjh mïnnedh dellie barkijh håksoe-ektievoetesne gusnie orreme skïemtjemïnnemeleahpesne nænnoestidh ih datne maehtieh åålmeh kollektijvevalkesinie mïnnedh medicinske fåantoej mietie, fysiske jallh psykiske fåantoej mietie. Daate leah gaajhkh mïnnemidie gosse håksose jïh håksoste mïnnedh.

Mujhtieh ij leah Beställningscentralen (BC Dalarna) mij nænnoste mejtie Laantedigkie Dalarna edtja taximïnnemem maeksedh. Dïhte iktesth håksoe-ektievoete mij raereste mejtie daerpies jïh nænnoste mejtie skïemtjemïnnemem taxine/sjïerevoejeminie åadtjoeh jïh Laantedigkie Dalarnisnie dam maaksa. Jis BC Dalarna taxim dutnjien dongkeme gosse datne beavneme jïh håksoe-ektievoete ij dov skïemtjemïnnemem nænnoste guktie daagkoe bijjelen beavneme, dellie datne ryöknegem abpe taximïnnemistie åadtjoeh lissine dam maam jïjtje tjoerh maeksedh. Jis BC Dalarna vierhtede ij kollektijvevalkese gååvnese dellie maahtah maaksoem åadtjodh.

Gosse taxine mïnnh dellie tjoerh latjkedh jeatjah aaj dennie seamma taxine jalhts jeatjah geajnoem jïh guhkebe tïjje vaasa. Aaj tjoerh latjkedh mïnneme jåhta dej voejeminie mah BC Dalarna utnieh. Ij naan jeatjah goh dah njoelkedassh dåhkasjehtieh.

Dongkh dam dov skïemtjemïnnemem BC Dalarna luvnie buerie tïjjen åvtelen håksose mïnnedh! Jis jeatjhlaakan dongkh åadtjoeh jïjtje maeksedh. Dov lea dïedte nænnoestimmiem seedtedh "Ohtseme skïemtjemïnnemasse" (Ansökan om sjukreseersättning) mïnnemasse taxine/sjïerevoejeminie, Dalatrafiken gåajkoe minngemes 10 biejjieh mænngan mïnnih. Jis ih skïemtjemïnnemeleahpam seedth mij dam dov mïnnemem nænnoste taxine/sjïerevoejeminie mïnnedh dellie datne ryöknegem abpe taximïnnemistie jïh åadtjoeh lissine dam maam jïjtje tjoerh maeksedh.

Skïemtjemïnnemeleahpam seedth:

Dalatrafik
Trafikadministration, Sjukresor
Box 833, 781 28 Borlänge
Mïerhkesjh kuvertem »TAXI«.

Åssjelmesh

Jis dov lea åssjelmesh dov skïemtjemïnnemasse taxine/sjïerevoejeminie maam BC Dalarna tjïrrh dongkeme govlehtallh dellie sijjine kundservice tellefovnesne 0774 - 44 00 10 jallh gihtjh voejijim giejnie mïnnh dan kåarhten mietie "Tyck till kort" maam namhtah påastemïerhkine maahtah seedtedh Dalatrafik, Särskild kollektivtrafik gåajkoe.

Skïemtjemïnneme skïemtjemïnnemeraastine

Skïemtjegåatan/gåetese Akademiska sjukhuset Uppsala jïh Löwenströmska sjukhuset Upplands Väsby sjïere skïemtjemïnnemebusse gååvnese.

Skïemtjemïnnemebusse aarkebiejjieh måantan – bearjadahken Moran luvhtie jåhta:

Mora – Rättvik – Leksand – Djurås – Borlänge – Falun – Hedemora – Avesta Akademiska jïh Löwenströmska gåajkoe.

Ööhpehts skïemtjebarkijh meatan mïnnemisnie. Datne maaksoen namhtah skïemtjemïnnemebussine mïnnh. Datne mïnnemem dongkh BC Dalarna minngemes ts.18.00 biejjien åvtelen edtjh mïnnedh.

Maaksoeh

Mejnie mïnnedhMaaksoe
Bussine Leahpaåasah
Ruevtieraajroe Leahpaåasah (2: klaasse)
Privaate bïjle saaht man gallesh bïjlesne 1,85 kr fïerhten km åvteste destie mij bijjelen 55 kilomeeterh vuejedh, aktem geajnoem

Jïjtje maeksedh

Mejnie mïnnedhJïjtje akten mïnnemem maeksedh
Skïemtjemïnnemebusse Namhtah
Taxi, sjïerevoejeme 150 tjåer.*)
Girtie 100 tjåer.

* Datne jïjtje voejijasse maaksah jïh leahpam destie dåastohth.

Jollemaaksoeraajoe

Ih daarpesjh jeenebem goh 2 400 tjåervieh jïjtje maeksedh dej dov skïemtjemïnnemi åvteste luhkiegöökte askine. Daam geehtie juktie ih daarpesjh naan leahpah Dalatrafik gåajkoe seedtedh.

Ohtseme mïnnememaaksoste

Gosse ruevtieraajroe/busseleahpide maakseme jallh reaktoe åtna privaate bïjline vuejedh, dah njoelkedassi mietie, maaksoem maahtah åadtjodh jis ohtsemem seedth bïevnesigujmie guktie mïnneme. Goerem håksoejarngesne jallh skïemtjegåetesne åadtjoeh gosse håksosne. Ih maaksoem åadtjoeh jis mïnneme 12 askijste båarasåbpoe.

Vuartesjh! Gosse maaksoen mietie dan dov skïemtjemïnnemen åvteste ohtsedh, edtjh iktesth seedtedh håksoeleahpah, stinkesleahpah jïh kopijem stinkes remisseste, jis dan mietie gihtjie.

Maaksoe mïnnemistie

Mijjieh dam dov maaksoen baanghken tjïrrh maeksebe. Ibie maaksoem 50 tjåerviej vuelelen maeksebe. Mijjieh åasam 50 tjåervijste vaeltebe maaksoeaviji åvteste mejtie ij lutnesth jïh mejtie tjoerebe ikth vielie aejkien maeksedh.

Ohtseme, leahpah jïh håksoeleahpa seedtedh:

Dalatrafik
Trafikadministration, Sjukresor
Box 833

781 28 Borlänge

Ibie prievieh namhtah påastemïerhkem lutnesth.

Buerie daejredh

Guhte meatan viehkine

Jis viehkiem mïnnemisnie daarpesjh, guhte maahta datnem dellie dåeriedidh jïh ij dan åvteste daarpesjh maeksedh. Dellie tjoerh nænnoestimmiem håksoste utnedh. Jis 20 jaepijste nuerebe, akte eejtegistie åådtje dåeriedidh namhtah nænnoestimmine. Dïhte gie datnem dåerede edtja tjaangedh jïh tjöödtjestidh seamma sijjesne goh datne.

Remisse gosse jïjtje veeljedh

Gosse håksoem jeatjah laantendigkeste goh Dalarna veeljeme, dellie jïjtje mïnnemen åvteste åadtjoeh maeksedh.

Sjïerehåksoem leenen ålkolen jïh håksoedååjvehtasse

Jis sjïerehåksoem jallh remissem håksoedååjvehtassen tjïrrh skïemtjegåatan åadtjoeh Dalarnan ålkolen, dellie maaksoem bussine jïh ruevtieraajrojne åadtjoeh. Jis taxine/sjïerevoejeminie, jallh mïnneme privaate bïjline tjoerh nænnoestimmiem utnedh dehtie håksoe-ektievoeteste Dalarnisnie mij remissem tjeeli.

Jis leenen ålkolen skeamtjoeh

Jis Dalarnan leenen ålkolen skeamtjoeh dellie maaksoem skïemtjemïnnemen åvteste lïhkemes håksoe-ektievoetese åadtjoeh dennie laantendigkesne gusnie lea. Ih naan maaksoem åadtjoeh gosse gåatan destie.

Skïemtjemïnneme girtine

Skïemtjemïnneme girtine barre åadtjoeh jis sjïere nænnoestimmiem maam håksoe-ektievoeteste Dalarnisnie åådtjeme.

Jis vielie sïjhth daejredh

Jis vielie bïevnesh sïjhth maaksoen bïjre skïemtjemïnnemasse, tjaelieh dellie sæjjan Dalatrafik, Trafikadministration, Sjukresor, Box 833, 781 28 Borlänge, jallh ringkh 0243 - 625 90. Tellefovnetïjje måantan – bearjadahken ts.l 10 – 12. Bïevnesh aaj e-påasten tjïrrh åadtjoeh. Tjaelieh sæjjan: sjukresor@dalatrafik.se

Bïevnesh busse- jïh ruevtieraajroetïjjide Dalarnisnie, govlehtallh Dalatrafiks kundservice. Telefon 0771- 95 95 95 jallh vuartesjh mijjen hïejmebieliem www.dalatrafik.se

Datne ruevtieraajroeleahpam dongkh (ij SJ), skïemtjemïnnemebussem jïh skïemtjemïnneme taxine /sjïerevoejeminie sijjesne BC Dalarna tellefovne 0774 - 44 00 00

Gosse dam dov mïnnemem dongkh BC Dalarna sæjhta daejredh:

  • Dam dov Personenommere jïh tellefovnenommerem
  • Jis skïemtjelassen gaavhtan ih maehtieh åålmeh kollektijvevalkesinie mïnnedh
  • Dov hïejmen tjaalesijjiem
  • Mij håksoe-ektievoetese edtjh mïnnedh
  • Gåessie edtjh dejnie dov dåakteren luvnie årrodh
  • Mejtie viehkiehtæjjam meatanJis sjïere viehkiem daarpesjh
  • Jis naan viehkievierhtieh meatan